SUSTOUKA жобасы ең үздік TTӨ тәжірибелерін және Travelife сертификаттау жүйесін енгізу арқылы Қазақстандағы туризм секторының ШКОК-на өздерінің тұрақты даму көрсеткіштерін жақсарту мүмкіндігін береді.

SUSTOUKA жобасын жүзеге асырудан күтілетін негізгі нәтижелер мыналар болып табылады:

• Өкіл-кәсіпорындарда ТТӨ тәжірибелерін енгізу арқылы Қазақстанның туристерді орналастыру секторындағы ШКОК қызметінің тұрақтылығын арттыру және қоршаған ортаға әсерін барынша азайту.
• Қазақстанның туристерді орналастыру секторындағы ШКОК үшін ең үздік ТТӨ тәжірибелері мазмұндалған практикалық нұсқаулықты әзірлеу.
• Travelife тұрақтылықты сертификаттау жүйесінде Қазақстандағы туризм секторының ШКОК қатарынан өкіл-кәсіпорындарды сертификаттау.
• Қазақстанның туристік ШКОК арасында Travelife сертификаттау жүйесін енгізу жөніндегі практикалық нұсқаулықтарды әзірлеу.
• Тұрақты тұтынуды ынталандыру мақсатында туристер мен Қазақстандағы туризм секторының делдал агенттері арасында хабардарлықты арттыру науқанын әзірлеу.
• «Жасыл» қаржыландыруға инвестициялардың неғұрлым жоғары деңгейіне қол жеткізу мақсатында ТТӨ тәжірибелерін және туризм секторының тұрақты артықшылықтарын ілгерілету үшін саясат пен қаржылық жағдайларды жасау.
• Қазақстанның туризм секторы үшін ТТӨ тәжірибелерін және Travelife сертификаттауын енгізу саласында сарапшылар тобын құру.
• Осы жобаның іс-шаралары мен нәтижелерін Қазақстанның туризм секторындағы басқа ШКОК-да репликациялау және тарату мақсатында ТТӨ ең табысты тәжірибелерін ілгерілету үшін желілік платформаны әзірлеу.
• Тұрақты туризмнің қолданыстағы желілерімен өзара әрекеттесу және SWITCH-Asia желілік іс-шараларына қатысу.

Бұдан бөлек, жобаны іске асыру нәтижесінде мыналар күтіледі:

• Қазақстандағы туристерді орналастыру секторының өкілдері болып табылатын кәсіпорындардың суды тұтынуын 25%-ға және электр энергиясын тұтынуын 25%-ға азайту.
• Қазақстандағы туристерді орналастыру секторының өкілдері болып табылатын кәсіпорындарда қалдықтарды қайта өңдеуді пайыздық арақатынаста 20%-ға, жергілікті деңгейде жұмыспен қамтуды 15%-ға және туристердің санын 15%-ға арттыру.
• Қазақстандағы туристерді орналастыру секторының өкілдері болып табылатын кәсіпорындарда ТТӨ-ге инвестициялар көлемін 40%-ға ұлғайту.
• Тұрақты даму саласындағы хабардарлық науқандарымен 500 000-ға жуық туристі қамту;
• Қазақстандағы туризм секторының 1 000-ға жуық ШКОК арасында жоба нәтижелері мен практикалық нұсқаулықтарды тарату.
• Жобамен байланысты іс-шаралар мен оқиғаларға 500-ге жуық адамның қатысуы.