Консорциум
SUSTOUKA жобасына төрт серіктес қатысады:
• Ekotek, Soluciones Medioambientales (Coordinator)
• European Centre for Ecological and Agricultural Tourism, ECEAT
• Қазақстан туристік қауымдастығы, ҚТҚ
• Қазақстандық қонақ үйлер және мейрамханалар қауымдастығы, ҚҚжМҚ
EKOTEK халықаралық деңгейде мемлекеттік және жеке компанияларға экологиялық және энергетикалық секторларға арналған интегралдық және инновациялық шешімдерді ұсыну саласында маманданатын инженерлік-консалтингтік компания болып табылады. 1998 жылы құрылған сәтінен бастап EKOTEK компаниясы халықаралық бірігу және технологиялық инновациялар стратегиясын ұстанады, осының нәтижесінде Қытай, Мексика, Бангладеш, Бразилия, Ұлыбритания, Италия… сияқты әлемнің 20-дан астам елінде жобалар әзірленді; сондай-ақ LIFE-Environment, FP7, EUREKA, ASIA PRO ECO, SWITCH-Africa және т.б. сияқты ЕО қаржыландыратын бірнеше бағдарламаға үйлестіруші және серіктес ретінде қатысады.
EKOTEK миссиясы – өз технологиясымен қатар, интегралдық шешімдерді ұсына отырып, экологиялық сектордың тұрақты дамуына көмектесу. EKOTEK компаниясы клиенттердің қажеттіліктеріне сәйкес тиімді және дара шешімдерді ұсыну арқылы бастапқы зерттеулерден бастап жобаларды іске асырумен аяқтағанда барлық кезеңдерге қатысады. EKOTEK компаниясы маманданатын негізгі салалардың қатарына таза технологиялар, экологиялық бағалаулар, эко-дизайн, су ресурстары, энергетикалық ластанған топырақ және наноматериалдар кіреді.
Қосымша ақпарат алу үшін біздің веб-сайтымызға кіріңіздер:
ECEAT (Экологиялық және ауыл шаруашылығы туризмінің еуропалық орталығы) тұрақты туризм саласындағы жетекші еуропалық ұйым болып табылады. ЕСЕАТ бүкіл Еуропа бойынша жүздеген ұсақ қонақ үйлер мен туристік компаниялар желісінен құралған үкіметтік емес ұйым болып табылады. ЕСЕАТ туризмнің тұрақты дамуына қолдау көрсетеді, бұл табиғатты қорғауды, аймақтық дамуды, қоршаған ортаны қорғауды және жергілікті халықтың құқықтары мен мүмкіндіктерін кеңейтуді қамтамасыз етеді және жыл сайын Еуропаның 20 еліндегі 500 000 дерлік қонақ үйде жауапты саяхаттауға септігін тигізеді.
2007 жылы негізі қаланған және ЕСЕАТ компаниясы басқаратын Travelife туризмнің тұрақтылығына септігін тигізетін сертификаттау жүйесі болып табылады. Оқыту, басқару, жоспарлау және есептілікті ұсыну арқылы тұрақтылық өлшемдерін сақтай отырып, Travelife жүйесі туристік агенттерге олардың әлеуметтік және экологиялық аспектілерге әсер ету деңгейін арттыруға көмектеседі. Қазіргі уақытта бүкіл әлем бойынша 500-ден астам қонақ үй Travelife сертификаттауын алды.
Қосымша ақпарат алу үшін біздің веб-сайтымызға кіріңіздер:
ҚТҚ (Қазақстан туристік қауымдастығы) 1996 жылғы мамыр айында негізі қаланған коммерциялық емес, үкіметтік емес ұйым болып табылады; және өз платформасы аясында 200-ден астам кәсіпорынды: туристік компанияларды (туристік операторлар мен туристік агенттіктер), сақтандыру компанияларын, әуе желілерін, ұлттық парктерді, білім беру мекемелерін және кәсіби бұқаралық ақпарат құралдарын біріктіреді. Бұл қауымдастық халықаралық жобаларды, іскерлік шараларды, ғылыми және маркетингтік зерттеулерді, тренингтерді, халықаралық форумдарды іске асыруға, іскерлік байланыс орнатуға және кәсіби стандарттарды әзірлеуге арналған кәсіби қоғамдастық болып табылады.
ҚТҚ Қазақстанның туристік нарығында жұмыс істей отырып, туристік бизнестің мүдделерін ұсынады және қорғайды, қауымдастық мүшелеріне қызметтер көрсетеді; консультациялар береді, зерттеулер жүргізуді және ақпараттық қолдауды қамтамасыз етеді; және туристік қызметтердің сапасын арттыру үшін оқытуды ұйымдастырады. Бұған қоса, ҚТҚ Қазақстан Республикасы Үкіметінің жанындағы Туризмді дамыту жөніндегі үйлестіру кеңесінің, Қазақстан кәсіпкерлері форумының Үйлестіру кеңесінің, Ресей туристік индустрия одағының, «Атамекен» ұлттық кәсіпкерлер палатасының және «Қазақстан Республикасы жұмыс берушілерінің конфедерациясы» қауымдастығының мүшесі болып табылады.
Қосымша ақпарат алу үшін біздің веб-сайтымызға кіріңіздер:
ҚҚжМҚ (Қазақстандық қонақ үйлер және мейрамханалар қауымдастығы) 1998 жылы құрылған, Қазақстанның қонақ үй нарығында табысты жұмыс істейтін, қонақ үй бизнесінің мүдделерін білдіретін және қорғайтын, заңнама саласындағы шоғырландырылған пікірді білдіретін, қонақ үй қызметтерінің сапасын қорғайтын, отандық және халықаралық туристік нарықтарда қауымдастық мүшелерінің қызметтерін жарнамалайтын, консультациялар беретін және ақпараттық қолдау көрсететін, қонақ үйлер персоналының біліктілік деңгейін арттыру мәселелері мен үрдістерін зерттеуге қатысатын салалық және республикалық қауымдастық болып табылады. ҚҚжМҚ халықаралық қонақ үй желілерінің қонақ үйлерін, Қазақстандағы жергілікті қонақ үйлерді, хостелдерді, мейманханаларды, HoReCa сегментіне кәсіби жабдықтар жеткізетін компанияларды және сала үшін мамандар даярлайтын білім беру мекемелерін біріктіреді.
ҚҚжМҚ миссиясы – Қазақстан Республикасында өркениетті қонақ үй нарығын құру. ҚҚжМҚ қауымдастығын «Атамекен» Қазақстан Республикасының Ұлттық кәсіпкерлер палатасы және Қазақстан Республикасы Мәдениет және спорт министрлігі жанындағы Туризм индустриясы комитеті аккредиттеген.
2016 жылдан бастап ҚҚжМҚ базасында «Туризм және туризм саласындағы қызметтер» №92 техникалық комитеті құрылды.
Қосымша ақпарат алу үшін біздің веб-сайтымызға кіріңіздер:
